ადმინისტრაციული სამართალდარღვევის შეფარდების 18 ფაქტი, პოლიტიკური ნიშნით სამსახურიდან გათავისუფლების 9 და სისხლის სამართლებრივი დევნის 7 შემთხვევა. ეს ის ძირითადი ფაქტებია, რაზეც საქართველოს ახალგაზრდა იურისტთა ასოციაციის წინასაარჩევნო პერიოდის მონიტორინგის პირველი შუალედური ანგარიშია ასახული, რომლის პრეზენტაცია ,,ქორთიარდ მარიოტში" გაიმართა.
წინასაარჩევნო პროცესებს საია თბილისსა და საქართველოს რვა რეგიონში: აჭარაში, გურიაში, იმერეთში, შიდა ქართლში, ქვემო ქართლში, კახეთში, მცხეთა-მთიანეთსა, სამცხე-ჯავახეთსა და სამეგრელოში ახორციელებდა.
ანგარიში მოიცავს 2014 წლის 1 აპრილიდან 30 აპრილის ჩათვლით პერიოდს და მასში ყურადღება გამახვილებულია როგორც წინასაარჩევნო კამპანიის ოფიციალურად დანიშვნის შემდგომ, ასევე, მანამდე განხორციელებულ პროცესებზეც, რომლებმაც გავლენა მოახდინა წინასაარჩევნო გარემოზე.
