ქართულ ბაზარზე ოპერირება უძრავი ქონების მართვის საერთაშორისო კომპანია Colliers International-მა დაიწყო. აღნიშნულ ფაქტთან დაკავშირებით საქართველოს კომპანიის ევროპის, ახლო აღმოსავლეთისა და აფრიკის რეგიონების ხელმძღვანელი, კრის მაქლერნონი სტუმრობს, როელმაც შეხვედრები უკვე გამართა, როგორც კერძო სექტორის, ასევე მთავრობის წარმომადგენლებთან.
როგორც დღეს „თბილისი მარიოტში" გამართულ პრესკონფერენციაზე კრის მაქლერნონმა განაცხადა, საქართველოში Colliers International -ის ლიცენზირებული წარმომადგენელის Colliers International Georgia -ს ოფისი კოსტავას ქუჩაზე, გრატოს ბიზნეს ცენტრში განთავსდა და კლიენტებს 15 მაისიდან მოემსახურება.
„ჩვენ ყოველთვის ახალი ბაზრების ძიებაში ვართ და მიგვაჩნია, რომ საქართველო არის ის ბაზარი სადაც Colliers -ის ბრენდი გაფართოვდება. მსოფლიო კაპიტალი შეუზღუდავია, მისთვის საზღვრები არ არსებობს. ჩვენ ვცდილობთ, რომ საქართველომ ეს შესაძლებლობები გამონახოს და სწორედ ამიტომ მსოფლიო კაპიტალი აქ მოისწაფვის .
საქართველოს ბაზარზე Colliers -ის ოპერირების დაწყებით ჩვენს კლიენტებს ვთავაზობთ უნიკალურ შესაძლებლობლობას გაზარდონ უძრავი ქონების პორთფელი . ამჟამად საქართველოს ეკონომიკამ დინამიურად ვითარდება და ქვეყანა ორიენტირებულია ტურიზმის, უძრავი ქონების, სოფლის მეურნეობის და ენერგეტიკულ წინსვლაზე. შედეგად, არსებობს შიდა და გარე ინვესტიციების გაზრდის მრავალი შესაძლებლობა: - განაცხადა კრის მაქლარენმა .
უკვე ცნობილია, რომ საქართველოდან Colliers International Georgia მთლიანად კავკასიის რეგიონს მოემსახურება. გამოცდილი კადრებით დაკომპლექტებული გუნდის სამუშაო პრინციპს წარმოადგენს ადგილობრივი გამოცდილების და გლობალური ცოდნის შერწყმა, რაც კლიენტისათვის განსაკუთრებული სერვისების შექმნას გულისხმობს.
Colliers International Georgia სრულ მომსახურებას გაუწევს ინვესტორებს, უძრავი ქონების მესაკუთრეებს, მოიჯარეებსა და დეველოპერებს. კომპანიის ძირითად მიმართულებებს უძრავი ქონების დეველოპმენტის სერვისი, კორპორატიული ბროქერიჯი , უძრავი ქონების კვლევა, კონსალტინგი და შეფასება წარმოადგენს.
Colliers International -ის EMEA რეგიონის ხელმძღვანელი საქართველოში ვიზიტისას უკვე შეხვდა ეკონომიკისა და მდგრადი განვითარების მინისტრს, ენერგეტიკის მინისტრის მოადგილეს, პრემიერ-მინისტრთან არსებული ეკონომიკური საბჭოს ხელმძღვანელს, ეროვნული ბანკის პრეზიდენტს, თანაინვესტირების ფონდის და სხვა სახელმწიფო უწყებების პირველ პირებს. ვიზიტის დროს საქმიანი შეხვედრები გაიმართა წამყვანი ქართული კომპანიების წარმომადგენლებთან- „რეაკია ჯგუფი", „ვისოლი", „სილქ როუდ ჯგუფი", „ჯიპისი", „ინდუსტრიული ჯგუფი" და სხვა.
„ამ მასშტაბის კომპანიის შემოსვლა ქართულ ბაზარზე ავტომატურად ნიშნავს იმას, რომ ქვეყანა უფრო მიმზიდველი და საინტერესო ხდება ინსტიტუციონალური ინვესტორებისათვის. ჩვენი მიზანია უძრავი ქონების მფლობელებს და ინვესტორებს მომსახურების ახალი სტანდარტი შევთავაზოთ საქართველოში და დავაკავშიროთ მსოფლიოს ფინანსურ ბაზრებთან� ��- განაცხადა Colliers International Georgia -ს დირექტორმა ირაკლი კილაურიძემ .
Colliers -ს აქვს საქართველოში მუშაობის გამოცდილება, რამდენიმე პროექტზე კომპანიამ სახელმწიფო დაკვეთა შეასრულა. აქამდე კომპანიის სერვისის მისაღებად მომხმარებელი ლონდონის, კიევის ან სტამბულის ოფისებს მიმართავდა.
Colliers -ი უძრავი ქონების მართვის საერთაშორისო კომპანიების სამეულში შედის და მსოფლიოს 63 ქვეყანაში 485 ოფისით არის წარმოდგენილი. კომპანიის წლიური ტრანზაქციების მოცულობა 75 მილიარდ დოლარს აღემატება, ხოლო მისი რეგიონალური სათაო ოფისი ლონდონში მდებარეობს. თბილისის ოფისი სწორედ მას დაექვემდებარება.