„ჩემი მეგზური საქართველო", - ასე ქვია სიუჟეტების ციკლს, რომელიც უკრაინული ტელეკომპანია „1+1"-ის ეთერით გადაიცემა. პოპულარულ დილის პროგრამაში უკვე გავიდა რამდენიმე სიუჟეტი, რომელიც თბილისის ღირსშესანიშნაობებს დაეთმო.
„1+1"-ის გადამღები ჯგუფი ქალაქის ისტორიულ ნაწილს ესტუმრა და ტურისტებისათვის საინტერესო ადგილები დაათვალიერა. ჟურნალისტი განსაკუთრებულ ყურადღებას თბილისის ცენტრში გამოფენილ უკრაინულ დროშებს, წარწერებსა და სუვენირებს უთმობს. დილის პროგრამის მეორე სიუჟეტი თბილისის ისტორიულ აბანოებს ეხება. თბილისის გარდა უკრაინელი ჟურნალისტები საქართველოს სხვადასხვა რეგიონებს ესტუმრნენ და უახლოეს დღეებში ტელეკომპანია „1+1"-ის ეთერით სიღნაღისა და ბათუმის შესახებ ვრცელი სიუჟეტები გადაიცემა.
