,,ვარწმუნებ, პრემიერსა და პრეზიდენტს, ევროკავშირი მტკიცედ დაუდგება საქართველოს იმ გზაზე, რომელსაც ერთად შეუდექით", _ ამის შესახებ, ევროპული საბჭოს პრეზიდენტმა ჰერმან ვან რომპეიმ პრემიერ-მინისტრ ირაკლი ღარიბაშვილთან შეხვედრის შემდეგ გამართულ ერთობლივ პრესკონფერენციაზე განაცხადა.
მისივე განცხადებით, საქართველო დამოუკიდებელი სახელმწიფოა და თავად უნდა გააკეთოს არჩევანი თუ რა სურს რეალურად.
,,საქართველო გახლავთ თავისუფალი, დემოკრატიული ქვეყანა, რომელმაც საკუთარი არჩევანი უნდა გააკეთოს გარე ზეწოლის გარეშე და გარე ზეწოლამ არჩევანი არ უნდა შეცვალოს", _განაცხადა რომპეიმ.
