მარიუპოლის ქალაქის მილიციის სამმართველოსი უფროსი ვალერი ანდროშუკი ცოცხალია და ის სეპარატისტების ტყვეობიდან უკვე გათავისუფლებულია. განცხადება ამის შესახებ უკრაინის შს მინისტრმა არსენ ავაკოვმა „ფეისბუკში" თავის გვერდზე განათავსა.
ადრე გავრცელდა ინფორმაცია, რომ ვალერი ანდროშუკი ჩამომხრჩვალი იპოვეს, თუმცა როგორც აღმოჩნდა ის სეპარატისტებს ტყვედ ჰყავდათ ჩაგდებული და მასში უზარმაზარ გამოსასყიდს ითხოვდნენ.
გათავისუფლებული ამჟმამად ძალიან მძიმე მდგომარეობაში იმყოფება.
ერთობლივი ძალისხმევით შევძელით ჩვენი გმირის მარიუპოლის ქალაქის მილიციის სამმართველოს უფროსის ვალერი ანდროშუკის გათავისუფლება. ის ცოცხალია, მაგრამ ძალიან მძიმე მდგომარეობაშია" მას აქვს ქალა-ტვინის ტრავმა, თავის ტვინის დაზიანება, დამტკვრეული აქვს ნეკნები, აქვს მრავალი ჰემატომა ტანზე",_ აცხადებს დეპუტატი ოლეგ ლიაშკო.
შგახსენებთ, რომ გუშინ გავრცელდა ინფორმაცია, რომ მარიუპოლის ქალაქის მილიციის სამმართველოს უფროსი ვალერი ანდროშუკი ჩამომხრჩვალი იპოვეს.
უკრაინული მედიის ინფორმაციით, მარიუპოლის ქალაქის მილიციის სამმართველოს უფროსი ვალერი ანდროშუკი, რომელიც ქალაქში მომხდარი დაპირისპირების დროს 9 მაისს გაიტაცეს, ქალაქის აეროპორტის რაიონის მიდამოებში ჩამომხვრჩალი იპოვეს.
როგორც ცნობილია ბოლო დღეების განმავლობაში ქალაქში ძალოვანი სტრუქტურების წარმომადგენლებსა და ტერორისტებს შორის მძაფრი დაპირისპირება მიმდინარეობდა.
გუშინ უკრაინის არმიამ ქალაქი დატოვა, რათა არ დაეშვა მსხვერპლი მშვიდობიანი მოქალაქეებს შორის.
