მთავრობამ შპს „მექანიზატორს" სიმბოლურ ფასად სასოფლო სამეურნეო ტექნიკა და მარაგნაწილები გადასცა. როგორც მთავრობის №751 განკარგულებაშია აღნიშნული, „სახელმწიფო ქონების შესახებ" საქართველოს კანონის 29 ე მუხლის მე 3 პუნქტის შესაბამისად, სახელმწიფო საკუთრებაში არსებული, ამ განკარგულების დანართით გათვალისწინებული მოძრავი ქონება (სასოფლო სამეურნეო ტექნიკა და მარაგნაწილები) პირდაპირი მიყიდვის ფორმით, სიმბოლურ ფასად - 1 (ერთი) ლარად საკუთრებაში გადაეცეს შეზღუდული პასუხისმგებლობის საზოგადოება „მექანიზატორს" (საიდენტიფიკაციო კოდი - 206348736).
განკარგულებიბის მიხედვით, „მექანიზატორს" საპრივატიზებო პირობად, საპრივატიზებო თანხის გადახდა შესაბამისი ხელშეკრულების გაფორმებიდან 30 დღეში, დაევალა.
მასალის გამოყენების პირობები
