საწვავის ფასის 25 თეთრით, ხოლო გაზის ფასის 8 თეთრით გაიაფება, ასეთია "ერთიანი ნაციონალური მოძრაობის" დაპირება, თუ კი მათი პარტია ადგილობრივ თვითმართველობის არჩევნებში გაიმარჯვებს. სპორტის სასახლეში გამართულ ღონისძიებაზე "ნაციონალური მოძრაობა" ბიზნესს საწარმოო ხარჯების გაიაფებას დაპირდა.
"ნაციონალური მოძრაობის" წინასაარჩევნო დაპირებაა ასევე გადასახადების შემცირება, უფრო კონკრეტულად პარტია საშემოსავლო გადასახადის 5%-ით შემცირებას გეგმავს.
"ნაციონალური მოძრაობა" მოსახლეობას შეჩერებული ინფრასტრუქტურული პროექტების განახლებასაც ჰპირდება და ასევე ხელმისაწვდომ და კომფორტული საზოგადოებრივ ტრანსპორტს.
თბილისის მერობის კანდიდატი ნიკა მელია დედაქალაქის მაცხოვრებლებს დამატებით სატრანსპორტო შეღავათებსაც პირდება.
მასალის გამოყენების პირობები
