შუახევის მუნიციპალიტეტის გამგებელმა ტარიელ ებრალიძემ, გამგეობისა და საკრებულოს თანამშრომლებმა, საჯარო სკოლის პედაგოგებმა და თემის რწმუნებულებმა დღეს სისხლი უანგაროდ გაიღეს.
აქციის მიმდინარეობის პროცესს აჭარის ავტონომიური რესპუბლიკის ჯანმრთელობისა და სოციალური დაცვის მინისტრის პირველი მოადგილე რომან ბოლქვაძე გაეცნო.
აქცია ჯანმრთელობის ცენტრ "მედინას" სისხლის ბანკის და შპს „ჰემა 2012"-ის სისხლის ბანკის შესავსებად გაიმართა. აღნიშული დაწესებულებების წარმომადგენლები სისხლის შესაგროვებლად ადგილზე მუშაობდნენ.
უანგარო დონაციის აქცია აჭარის ჯანდაცვის სამინისტროს ინიციატივით/ორგანიზებით და შუახევის მუნიციპალიტეტის გამგეობისა და შუახევის რესურცენტრის მხარდაჭერით გაიმართა. მსგავსი აქცია უკვე ჩატარდა ხულოს მუნიციპალიტეტში, მასში მონაწილეობა მიიღო 120-მდე ადგილობრივმა.