აფხაზ სეპარატისტთა ლიდერმა ალექსანდრე ანქვაბმა ჰიპერტონიული კრიზი გადაიტანა და ამჟამად მისი მდგომარეობა სტაბილურია. ინფორნაციას ამის შესახებ აფხაური მედია ავრცელებს.
მათი ინფორმაციით, საზოგადოებასა და პოლიტიკურ პარტია „ამცახარას" წევრებთან შეხვედრაზე ანქვაბი ცუდად გახდა.
„ადგილზე მოსულმა სასწრაფო დახმარების ბრიგადამ დაადგინა, რომ მას მაღალი არტერიული წნევა ჰქონდა. პირველადი დახმარების აღმოჩენის შემდეგ მას სტაციონარში გამოკვლევის ჩატარების რეკომენდაცია მიეცა.
მოგვიანებით ანქვაბი სოხუმის საავადმყოფოში თავად მივიდა, სადაც მას ჰიპერტონიული კრიზის დიაგნოზი დაუსვეს",_ წერს აფხაზური მედია და აღნიშნავს, რომ ამჟამად ანქვაბის მდგომარეობა სტაბილურია.