დონეცკის ოლქში გამართული ბრძოლის შედეგად უკრაინის შეიარაღებული ძალების ორი სამხედრო დაიღუპა, დაჭრილია 12 ადამიანი. განცხადება ამის შესახებ ნაციონალური გვარდიის მთავარსარდალმა სტეპან პოლტორაკმა გააკეთა.
მისივე თქმით, სეპარატისტებმა ანდრეევკაში საგუშაგოდან ანტიტერორისტული ოპერაციის ძალების გამოდევნა სცადეს, თან ისე რომ ბავშვებსა და მოხუცებს ეფარებოდნენ.
„სეპარატისტების ცინიზმს საზღვარი არ აქვს. მათ აი უკვე მერამდენედ გვაჩვენეს თავიანთი სახე - მშვიდობიანი მოქალაქეები და ბავშვები წინ დააყენეს და ისე სცადეს სამხედროებზე ზეწოლა, შემდეგ მათ ზურგსუკნიდან ცეცხლი გახსნეს. ცეცხლის გახსნის შედეგად ორი სამხედრო დაიღუპა, 12 ადამიანი კი დაიჭრა",_ განაცადა მთავარსარდალმა და აღნიშნა, რომ უკრაინელმა სამხედროებმა საგუშაგოს შენარჩუნება შეძლეს.
მასალის გამოყენების პირობები
