თბილისის მერიამ დედაქალაქის ცენტრში კიდევ ერთი პარკის რეაბილიტაცია დაასრულა. 7 000 კვ.მეტრ ფართობზე მდებარე „ბუკიას ბაღში" მნიშვნელოვანი სამუშაოები განხორციელდა. დამონტაჟდა გარე-განათებისა და სარწყავი სისტემები, გაკეთდა საფეხმავლო ბილიკები, დაიდგა სკამები და მოეწყო საჩრდილობლები. ბაღში მდებარე მრავალწლოვან და უიშვიათეს ხე-მცენარეებს ფორმირება და წამლობა ჩაუტარდა. ასევე კეთილმოეწყო მიმდებარე ტერიტორია, მეტროსადგურ „პოლიტექნიკურიდან" ბუკის ბაღამდე დაიგო ქვაფენილი და ბეჭდური ასფალტი.
განხორციელებული სამუშაოები დღეს თბილისის მერის მოვალეობის შემსრულებელმა სევდია უგრეხელიძემ, გამწვანებისა და ეკოლოგიის სამსახურის უფროსმა გიორგი ქორქაშვილმა და საბურთალოს რაიონის გამგებელამა გია ხუროშვილმა, სხვა მოწვეულ სტუმრებთან და ადგილობრივ მოსახლეობასთან ერთად დაათვალიერეს.
