თბილისში დავოსის მსოფლიო ეკონომიკური ფორუმის საერთაშორისო ღონისძიება გაიხსნა. სასტუმრო ,,რადისონში" მიმდინარე ფორუმი საგარეო საქმეთა მინისტრმა მაია ფანჯიკიძემ გახსნა და დამსწრე საზოგადოებას მიაწოდა ინფორმაცია რეგიონში არსებულ ეკონომიკურ ვითარებასა და სამომავლო ეკონომიკურ თანამშრომლობაზე.
,, ეს ნიშნავს საქართველოს ცნობადობის ამაღლებას, ეს ნიშნავს საქრთველოში ინვესტიციების გაცნობის შესაძლებლობას და ვფიქრობ, ჩვენი ბიზნესექტორი ამ შეხვედრას კარგად გამოიყენებს იმისთვის, რომ საერთაშორისო დონეზე დააფიქსიროს საქართველოს მზაობა იყოს საინვესტიციო ადგილი და გააცნონ პოტენციურ ინვესტორებს ჩვენი საინვესტიციო პირობები, მიღწევები რომელიც ჩვენ გვაქვს", _განაცხადა მაია ფანჯიკიძემ ჟურნალისტებთან.
შეხვედრაზე სამხრეთ კავკასიისა და ცენტრალური აზიის ქვეყნების ეკონომიკური განვითარების გამოწვევები განიხილება. ფორუმს მსოფლიო რანგისა და რეგიონის წამყვანი ექსპერტები ესწრებიან.
საქართველოში დავოსის მსოფლიო ეკონომიკური ფორუმის საერთაშორისო ღონისძიება პირველად იმართება და ის ერთდღიანია.
მასალის გამოყენების პირობები
