უკრაინის ძალოვანი სტრუქტურებმა სლავიანსკის დიდი ნაწილი დაიბრუნეს და მის კონტროლს ახორციელებენ. ამის შესახებ სამხედრო პოლიტიკური კვლევების ცენტრის ხელმძღვანელმა დიმიტრი ტიმჩუკმა განაცხადა.
„ამ დროისთვის ტერორისტების მიერ შექმნილი ბლოკპოსტები მოშლილია და ძალოვანი სტრუქტუურების კონტრილის ქვეშ იმყოფება ტელეცენტრი. ტერორისტები ცდილობენ გაიფანტნონ. წინააღმდეგობის ძირითადი კერა ქალაქის სამხრეთ-აღმოსავლეთ ნაწილში ფიქსირდება", - აცხადებს ტიმჩუკი.
ტიმჩუკი ადასტურებს რუსულ მედიაში გავრცელებულ ინფორმაციას, იმის შესახებ, რომ ტერორისტებმა გადასატანი სარაკეტო-საზენიტო კომპლექსის მეშვეობით უკრაინის შეიარაღებული ძალების ვერტმფრენი ჩამოაგდეს.
რუსული მედიის ინფორმაციით, „სლავიანსკის სახალხო წინააღმდეგობის მოძრაობის მეთაური" იგორ სტრელკოვი აცხადებს, რომ ქალაქს ალყა შემოარტყეს უკრაინის შეიარაღებულმა ძალებმა.
უნდა აღინიშნოს, რომ უკრაინის სპესამსახურების მიერ მოპოვებული ინფორმაციით, იგორ სტრელკოვი არის რუსეთის დაზვერვის პოლკოვნიკი და მისი ნამდვილი სახელი და გვარია იგორ გირკინი. მას ჩადენილი აქვს რამდენიმე მძიმე დანაშაული, მათ შორის რამდენიმე მკვლელობა უკრაინის ტერიტორიაზე.
