უკრაინის საშინაო საქმეებში რუსეთის ჩარევისა და აღმოსავლეთ უკრაინაში შექმნილ ვითარებაზე იმსჯელებენ დღეს, ვაშინგტონში გასამართ შეხვედრაზე, აშშ-ის პრეზიდენტი ბარაკ ობამა და გერმანიის კანცლერი ანგელა მერკელი. ამის შესახებ თეთრი სახლის წარმომადგენელმა ჯეინ კარნიმ განაცხადა.
„უკრაინაში შექმნილი ვითარება, რუსეთის მიერ ჟენევის შეთანხმების ფარგლებში ნაკისრი ვალდებულებების შეუსრულებლობა, იქნება ამ შეხვედრის მთავარი საკითხი", - განაცხადა კარნიმ.
მისივე თქმით, აშშ გააგრძელებს მუშაობას გერმანიასთან და G7-ის სხვა ქვეყნებთან, რუსეთისთვის დამატებითი სანქციების დაწესების თაობაზე.
