საქართველოს პრეზიდენტი გიორგი მარგველაშვილი ესტონელ კოლეგას ტოომას ჰენდრიკ ილვესს შეხვდა, სადაცმხარეებმა ორი ქვეყნის ურთიერთობა განიხილეს და ყურადღება შემდგომი თანამშრომლობის პერსპექტივაზე გაამახვილეს.
შეხვედრაზე აღინიშნა, რომ ესტონეთი ძლიერი პარტნიორია საქართველოს ევროატლანტიკურ სტრუქტურებში ინტეგრაციის გზაზე და საქართველოსათვის მნიშვნელოვანია ამ თვალსაზრისით გამოცდილ ქვეყანასთან თანამშრომლობის გაღრმავება.
საუბარი ასევე შეეხო საქართველოს მიერ ევროკავშირთან ასოცირების ხელშეკრულების ხელმოწერის დაჩქარების მნიშვნელობას.
გიორგი მარგველაშვილმა მადლობა გადაუხადა ესტონელ კოლეგას საქართველოს ტერიტორიული მთლიანობისა და სუვერენიტეტის აქტიური მხარდაჭერისათვის.
საქართველოს პრეზიდენტი ტალინში ესტონეთის რესპუბლიკის პრეზიდენტის მიწვევით იმყოფება.
