არასამთავრობო ორგანიზაცია „საზოგადოება და ბანკები" 30-ზე მეტი ქართული და უცხოური მედია საშუალებისთვის სემინარს გამართავს. ღონისძიების მიზანია ჟურნალისტების, პროდიუსერებისა და რედაქტორების ფინანსური განათლების ამაღლება, ურთიერთთანამშრომლობის გაღრმავება და მათი ჩართულობა ორგანიზაციის სხვადასხვა საქმიანობაში.
სემინარის მთავარი თემებია: საქართველოში არსებული პრობლემური სესხების მართვა (ანალიზი და რეკომენდაციები), საბანკო-საფინანსო სექტორის როლი ქვეყნის ეკონომიკურ განვითარებაში, ასევე მედიისა და არასამთავრობო ორგანიზაციების როლი საზოგადოებისა და ბანკების ურთიერთობაში.
მედია საშუალებების წარმომადგენლებს საშუალება ექნებათ მიიღონ სრული ინფორმაცია მოცემულ საკითხებზე და დასვან კითხვები მათთვის საინტერესო თემებზე. ღონისძიების ფარგლებში „საზოგადოება და ბანკები" მონაწილეებს ორგანიზაციის მიმდინარე პროექტებს და სამომავლო გეგმებს გააცნობს.
სემინარში მონაწილეობას მიიღებენ ეროვნული ბანკის პრეზიდენტი გიორგი ქადაგიძე და ეკონომიკური პოლიტიკის კვლევითი ცენტრის აღმასრულებელი დირექტორი ნინო ევგენიძე.
მასალის გამოყენების პირობები
