თბილისის მერობის კანდიდატი კახა კუკავა და "არასაპარლამენტო ოპოზიციის" ერთ-ერთი ლიდერი ფიქრია ჩიხრაძე თომას მელიას და აშშ-ს დელეგაციის სხვა წარმომადგენლებს შეხვდნენ, სადაც საუბარი მოახლოებულ თვითმმართველობის არჩევნებსა და არსებულ საარჩევნო გარემოს შეეხო.
"არასაპარლამენტო ოპოზიციის" ლიდერების განაცხადებით, აშშ-ს დელეგაციას ინფორმაცია მიაწოდეს იმ დარღვევებზე, რასაც ადგილი აქვს ბოლო პერიოდში.
კერძოდ, განსაკუთრებით გახშირდა სახელისუფლებო პარტიის მხრიდან ადმინისტრაციული რესურსის გამოყენების ფაქტები.
აშშ-ს დელეგაციის წევრებმა განაცხადეს, რომ "არასაპარლამენტო ოპოზიციის" მიერ მიწოდებულ ინფორმაციაზე ყურადღებას გაამახვილებენ.
"აშშ მხარს უჭერს საქართველოში დემოკრატიული რეფორმების და ცვლილებების პროცესს.
თომას მელიამ იმედი გამოთქვა, რომ დაგეგმილი არჩევნები საერთაშორისო სტანდარტების შესაბამისად ჩატარდება", - აცხადებენ "არასაპარლამენტო ოპოზიციის" წარმომადგენლები.
