აჭარის მთავრობის თავმჯდომარეს არჩილ ხაბაძეს საფრანგეთის ეროვნული ფლოტის სამეცნიერო-სამხედრო ხომალდის „Dupuy de Lome" ეკიპაჟის ხელმძღვანელები ეწვივნენ.
გაცნობითი ხასიათის შეხვედრას ხომალდის მეთაური, კაპიტანი ემანუელ მობანი; ხომალდის მეთაურის მოადგილე, კაპიტანი ფრანკ აუფრეტი; საფრანგეთის სამხედრო ატაშეს მოადგილე, მასტერ-სერჟანტი სანდრინ რუმიელი და სანაპირო დაცვის დეპარტამენტის უფროსი იური პოგოლოვსკი დაესწრნენ.
საფრანგეთის ეროვნული ფლოტის სამეცნიერო-სამხედრო ხომალდის „Dupuy de Lome" შემოსვლა ქ. ბათუმში ტექნიკურ ხასიათს ატარებს. გემი ბათუმის პორტში 28 აპრილამდე დაჰყოფს.
„გაცნობითი ხასიათის შეხვედრა იყო. გემის ეკიპაჟის ხელმძღვანელობამ თავისი ჩამოსვლის მიზნებზე ისაუბრა. ისინი სანაპირო დაცვის წარმომადგენლებთან ერთად კულტურულ ღონისძიებებში ჩაერთვებიან. ფრანგი მეზღვაურები ბათუმს დაათვაილერებენ და რეგიონის ღირსშესანიშნაობებსაც გაეცნობიან" - განაცხადა არჩილ ხაბაძემ.
ეკიპაჟის წევრები დღესვე 15:00 საათზე სანაპირო დაცვასთან ერთად ფეხბურთის მატჩს გამართავენ.