უკრაინა მიიჩნევს, რომ რუსეთის საგარეო საქმეთა მინისტრის სერგეი ლავროვის მიერ გაკეთებული განცხადებები მოწმობს იმას, რომ რუსეთი უკრაინაზე თავდასხმისათვის მზადაა. განცხადებას ამის შესახებ უკრაინის საგარეო საქმეთა სამინისტრო ავრცელებს.
„იმის ფონზე რომ უკრაინაში ხორციელდება ნაბიჯები ჟენევაში მიღწეული შეთანხმების იმპლემენტაციისათვის, რუსეთის სერგეი ლავროვის მიერ გაკეთებული განცხადებები, რომლებიც ინტერვიუში გააკეთა -სრული დისონანსია.
ეს განცხადებები მოწმობს იმას, რომ რუსული მხარე მზადაა უკრაინის წინააღმდეგ აგრესია განახორციელოს და ამისათვის უკრაინის საზღვართან თავისი სამხედროების რაოდენობას ზრდის",_ ნათქვამია უკრაინის საგარეო უწყების მიერ გავრცელებულ განცხადებაში და იქვე აღნიშნულია, რომ უკრაინის საგარეო საქმეთა სამინისტრო მოუწოდებს რუსეთის ფედერაციას დაიცვას საერთაშორისო სამართლის ნორმები და პატივი სცეს უკრაინის სუვერენიტეტსა და ტერიტორიულ მთლიანობას მის საერთაშორისოდ აღიარებულ ფარგლებში.