"ქართული ოცნებაში" თბილისის საკრებულოს თავმჯდომარის კანდიდატურაზე კონსულტაციები მიმდინარეობს, თუმცა, ეს საკითხი ცალკე არ განიხილება.
როგორც საპარლამენტო უმრავლესობის წარმომადგენელმა ვიქტორ დოლიძემ დღევანდელ ბრიფინგზე განაცხადა, მმართველი გუნდი კონსულტაციურ რეჟიმში მუშაობს ზოგადად კანდიდატებთან დაკავშირებით და ეს მხოლოდ თბილისის სარებულოს და დედაქალაქს არ ეხება.
"გვინდა, რომ კანდიდატები იყვნენ საუკეთესოები, საქმიანი და გამოცდილი ხალხი, რომლებმაც საკუთარი რეგიონის ტკივილი და იქაური პრობლემები იციან; აქვთ დასახული გზა, თუ როგორ უნდა მოაგვარონ პრობლემები", - აღნიშნა ვიქტორ დოლიძემ.
მისივე თქმით, "ქართული ოცნების" კანდიდატები საზოგადოებისთვის უახლოეს მომავალში გახდება ცნობილი.
