მთავრობა ბანკს ქმნის! ეს წარსულში დაბრუნებაა, - აცხადებს სააგენტო "ჯი-ეიჩ-ენთან" საუბარაში ეროვნული ბანკის ყოფილი პრეზიდენტი რომან გოცირძე. მის თქმით, ამით მოხდება იმ ზღვრის გადალახვა, რომლის შემდეგ მთავრობის ეკონომიკურ პოლიტიკას თამამად შეიძლება ვუწოდოთ სოციალისტური.
"ბიუჯეტის, ხალხის ფულით სახელმწიფო ბანკის შექმნა ყველაზე უაზრო ინიციატივაა, რაც კი ბოლო პერიოდში გახმოვანებულა. ბიუჯეტი ვალებითაა ამოკერილი. მხოლოდ შიდა ვალმა 1,5 მილიარდ ლარს გადააჭარბა, ძველი ვალების გარეშე. სად გაგონილა სესხით ბანკის შექმნა და ამ ფულის განიავება? ასე ემართება სახლმწიფო ქონებას. შედეგი იქნება მძიმე", - აცხადებს გოცირიძე.
