შსს აქციაში "გაიღე სისხლი გადაარჩინე სიცოცხლე" მონაწილეობას განაგრძობს. როგორც "ინტერპრესნიუსს" შინაგან საქმეთა სამინისტროდან აცნობეს, შსს-ს სპეციალური და საგანგებო ღონისძიებების ცენტრის განსაკუთრებულ დავალებათა დეპარტამენტის მცხეთა-მთიანეთის სამხარეო განსაკუთრებულ დავალებათა სამმართველოს თანამშრომლებმა ლეიკემიით დაავადებული ბავშვებისთვის აქციის "გაიღე სისხლი გადაარჩინე სიცოცხლე" ფარგლებში მონაწილეობა მიიღეს.
შს სამინისტროს სხვადასხვა დეპარტამენტის და დანაყოფის თანამშრომლები უკვე მეორე წელია ლეიკემიით დაავადებული ბავშვებისა და მოზარდებისთვის მთელი საქართველოს მასშტაბით სისხლის გაღების აქციებს ყოველ კვირას ატარებენ.
სამინისტროს ინფორმაციით, აქციის მიზანია, შინაგან საქმეთა სამინისტროს მონაწილეობით, ლეიკემიით დაავადებული ბავშვებისთვის საჭირო სისხლისა და სისხლის კომპონენტების დეფიციტის შემცირება.
მასალის გამოყენების პირობები
