აშშ-ს პრეზიდენტი ბარაკ ობამა მოუწოდებს რუსეთს თავი დაანებოს უკრაინის „დაშინებას" და თავის შეიარაღებული ძალები უკრაინის საზღვრებიდან უკან გაიყვანოს. ინფორმაციას ამის შესახებ „ბი-ბი-სი" ავრცელებს.
ობამა სიტუაციის დეესკალაციასა და მოსკოვსა და კიევს შორის პირდაპირი მოლაპარაკებების დაწყებას მოითხოვს.
„სი -ბი-ესი" სათის მიცემულ ინტერვიუში ობამა აცხადებს, რომ რუსეთის მოქმედებები შეძლება იყოს „მცდელობა უკრაინის დაშინებისა ან ეს შესაძლოა იყოს მანიშნებელი იმისა, რომ რუსეთი დამატებითი ნაბიჯების გადადგმას გეგმავს".
ინტერვიუ ბარაკ ობამასთან იტალიაში გამგზავრებამდე ჩაიწერა.
აშშ-ს პრეზიდენტმა განაცხადა, რომ „მის კოლეგას ვლადიმერ პუტინს უნდა ყველას აჩვენოს მასში ღრმად გამჯდარი სინანული იმისა, რომ საბჭოთა კავშირი დაიშალა". თუმცა ობამას აზრით, პუტინი არ უნდა დაუბრუნდეს იმ ილეთების გამოყენებას, რომლებიც ცივი ომის დროის იყო მიღებული".
„მიმაჩნია რომ თავს იცენს რუსული ნაციონალიზმი და შეგრძნება იმისა, რომ დასავლეთმა უპირატესობა მოიპოვა. მე უკვე მრავალჯერ გავიმეორე, რომ ის სრულიად არასწორად აღიქვამს დასავლეთის ქმედებებს. ის ზუსტად არასწორად აღიქვამს აშშ-ს საგარეო პოლიტიკას",_ აცხადებს ობამა და აღნიშნავს, რომ აშშ-ს არ აქვს არავითარი დაინტერესება იმისა, რომ „რუსეთი წრეში მოაქციოს".