მახათას მთაზე მშენებარე ივერიის ღვთისმშობლის ხატის სახელობის ტაძრის მიმდებარე ტერიტორიაზე ზეთისხილის ბაღის გაშენება დაიწყო.
პირველი ნერგი სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ დარგო.
აქციაში მონაწილეობა მიიღო საქართველოს ფინანსთა მინისტრმა ნოდარ ხადურმა. ბაღის გაშენებაში ასევე მონაწილეობა მიიღეს პარლამენტის თავმჯდომარემ და მინისტრთა კაბიტენტის წევრებმა.
„ძალიან მნიშვნელოვანი დღეა. ბუნებაზე ზრუნვა ჩვენი მთავრობის ერთ-ერთი პრიორიტეტია. თქვენ იცით, რომ პრემიერ-მინისტრის ინიციატივით დაიწყო გამწვანების კამპანია „მწვანე მომავალი." მნიშვნელოვანია, რომ ქართული ეკლესია და სახელმწიფო ამ შემთხვევაშიც ერთადაა ამ ეროვნულ საქმეში. ღრმად ვარ დარწმუნებული, ბევრი ჩვენი თანამოქალაქე შემოგვიერთდება. წელს ნახევარი მილიონი ნერგი უნდა დაირგოს, რათა ჩვენი ქვეყანა იყოს ეკოლოგიურად უფრო სუფთა და ვიცხოვროთ ჯანსაღ გარემოში," - განაცხადა ფინანსთა მინისტრმა ნოდარ ხადურმა.
დღესვე უწმინდესმა მთავრობის წევრებთან ერთად მშენებარე ტაძარის მოინახულა და პარაკლისი გადაიხადა.
გამწვანების აქციის ორგანიზატორი ტაძრის მშენებლობის ფონდი "ივერიისა" და პატრიარქის მიერ დაფუძნებული ფონდი "გაამწვანე საქართველო" იყვნენ.
მახათას მთაზე მშენებარე ტაძრის 2/3 უკვე აშენებულია. როგორც ფონდ "ივერიისას" დამფუძნებელმა პაატა ბურჭულაძემ განაცხადა, მსგავსი აქციები მომავალშიც გაგრძელდება.
