საქართველოს საერთაშორისო სავაჭრო ბრუნვაში ბოლო პერიოდში დაფიქსირებული ექსპორტის ზრდის დადებით ტენდენციასთან ერთად იმატა საქართველოდან პროდუქციის ექსპორტისთვის ხელოვნური ბარიერების შექმნის შემთხვევებმა.
ეკონომიკის სამინისტროს გადაწყვეტილებით 2014 წლის 21 მარტიდან სამინისტროში ამოქმედდა ექსპორტიორთა ინტერესების დაცვის ცენტრი.
ცენტრი განთავსებულია სამინისტროს პირველ სართულზე (მისამართი: გ. ჭანტურიას 12). ამასთან, ამოქმედდა ცხელი ხაზი, რომლის ტელეფონის ნომრებია 299 10 02; 299 11 28.
ინფორმაცია ექსპორტზე ორიენტირებულ ნებისმიერ მეწარმეს შეუძლია გამოაგზავნოს ელექტრონული ფოსტის მისამართზე: export@economy.ge.
ცენტრის მიერ მოპოვებული ინფორმაცია გამოყენებული იქნება სამინისტროს ხელმძღვანელობის და პირადად მინისტრის მიერ ჩვენს სავაჭრო პარტნიორებთან რეგულარული მოლაპარაკებების დროს, რათა მაქსიმალურად იქნას უზრუნველყოფილი არსებული თავისუფალი სავაჭრო რეჟიმების ორმხრივობა, რითაც დავიცავთ ექსპორტზეორიენტირებული ჩვენი მეწარმეების ინტერესებს.