დღეს, 21 მარტს, პარასკევს, 12:00 საათზე ზუგდიდის დემოკრატიული ჩართულობის ცენტრში ამავე ცენტრის საინფორმაციო მხარდაჭერით პროექტის „მშვიდობის ქართულ-აფხაზური სახლი" პრეზენტაცია გაიმართება.
პროექტი კავშირმა „ქართულ-აფხაზური შერეული ოჯახები" და კონფლიქტებისა და მოლაპარაკებების საერთაშორისო კვლევით ცენტრმა (ICCN) ერთობლივად შეიმუშავა.
„ქართულ აფხაზური მშვიდობის სახლი" ფუქნციონირებას არა ზუგდიდში, არამედ უშუალოდ ენგურის ხიდის მიმდებარე ტერიტორიაზე დაიწყებს.
ავტორთა აზრით, პროექტის წარმატებით განხორციელების შემთხვევაში ანალოგიური აპოლიტიკური და გახსნილი სივრცის გახსნა სამომავლოდ ცხინვალის რეგიონთან მდებარე საზღვარზეც იგეგმება.
„ქართულ აფხაზური მშვიდობის სახლის" გახსნა ენგურის ხიდის მიმდებარე ტერიტორიაზე ზაფხულის დასაწყისისთვის იგეგმება.
