ეკონომიკისა და მდგრადი განვითარების მინისტრის ინფორმაციით, ბოლო პერიოდში საქართველოდან პროდუქციის ექსპორტისთვის ხელოვნური ბარიერების შექმნის შემთხვევებმა მოიმატა.
„საქართველოს საერთაშორისო სავაჭრო ბრუნვაში ბოლო პერიოდში დაფიქსირებული ექსპორტის ზრდის დადებით ტენდენციასთან ერთად იმატა საქართველოდან პროდუქციის ექსპორტისთვის ხელოვნური ბარიერების შექმნის შემთხვევებმა.
ეკონომიკის სამინისტროს გადაწყვეტილებით, 21 მარტიდან სამინისტროში ექსპორტიორთა ინტერესების დაცვის ცენტრი ამოქმედდება"- აცხადებს ეკონომიკისა და მდგრადი განვითარების მინისტრი.
სამინისტროს ინფორმაციით, ცენტრისამინისტროს პირველ სართულზე (მისამართი: გ. ჭანტურიას 12) განთავსდება. ამასთან, ამოქმედდება ცხელი ხაზი, რომლის ტელეფონის ნომერი იქნება 2991002.
ცენტრის მიერ მოპოვებული ინფორმაცია გამოყენებული იქნება სამინისტროს ხელმძღვანელობის და პირადად ჩემს მიერ ჩვენს სავაჭრო პარტნიორებთან რეგულარული მოლაპარაკებების დროს, რათა მაქსიმალურად იქნას უზრუნველყოფილი არსებული თავისუფალი სავაჭრო რეჟიმების ორმხრივობა, რითაც დავიცავთ ექსპორტზე ორიენტირებული ჩვენი მეწარმეების ინტერესებს.
