ამერიკის ყოფილმა სახელმწიფო მდივანმა ჰილარი კლინტონმა განაცხადა, რომ რუსეთის პრეზიდენტ ვლადიმერ პუტინის მორიგი აგრესიისაგან დასაცავად, ამერიკამ ევროპის ენერგო დამოუკიდებლობას უნდა შეუწყოს ხელი.
"რაც პუტინმა გააკეთა-არაკანონიერია. ეს საერთაშორისო სამართალს ეწინააღდმეგება."-Los Angeles Times-ის ცნობით, აღნიშნულის შესახებ კლინტონმა მონრეალში ყოფნისას განაცხადა.
"ეს ღირებულებების დაპირისპირებას წარმოადგენს. ასევე, ეს არის რუსეთის მცდელობა მეორე მსოფლიო ომის შემდეგ ევროპაში დადგენილი საზღვრები შეცვალოს. და მე მიმჩანია, რომ თუ რუსეთს ამის საშუალებას მივცემთ, მაშინ რუსეთის აგრესიას კიდევ არაერთი ქვეყანა გამოცდის."-აღნიშნა კლინტონმა.
კლინტონის თქმით, მორიგი ქვეყნები რომლებსაც რუსეთი შეუტევს შესაძლოა იყოს ლატვია, ლიტვა, ესტონეთი, სადაც უკრაინის მსგავსად მრავალი რუსულენოვანი მოქალაქე ცხოვრობს. კლინტომა ევროპის წამყვან ქვეყნებს მოუწოდა ყველაფერი იღონონ, რათა რუსულ გაზზე აღარ იყვნენ დამოკიდებულნი. კლინტონის განცხადებით, მისი დიდი სურვილია რაც შეიძლება დაჩქარდეს "აზერბაიჯანიდან ევროპის მიმართულებით მილსადენების მშენებლობა."
მასალის გამოყენების პირობები
