ზაფხულის სეზონიდან ქართულ ავიაბაზარზე შემოსვლას ახალი ავიაკომპანია - ებრაული „ელ ალ ისრაელ აირლაინსი" გეგმავს.
უმსხვილესი ებრაული ავიაგადამზიდი თბილისის საერთაშორისო აეროპორტიდან ჩარტერულ რეისებს თელ-ავივის, ბენ-გურიონის სახელობის საერთაშორისო აეროპორტის მიმართულებით შეასრულებს. ფრენები ყოველ სამშაბათს, 21:35 წუთზეა დაგეგმილი.
ებრაული ნაციონალური ავიაკომპანია „ელ ალ აირლაინსი" რეგულარულ სამოქალაქო რეისებს 1948 წლიდან ასრულებს. დღეისთვის, ავიაკომპანიის ავიაპარკი 40 სხვადასხვა მოდიფიკაციის ბოინგისაგან შედგება, რომლებიც რეგულარულ და ჩარტერულ რეისებს ევროპის, სამხრეთ ამერიკის, ახლო და შორეული აღმოსავლეთის მიმართულებით ასრულებენ.
აღსანიშნავია, რომ თელ-ავივის მიმართულებით თბილისის საერთაშორისო აეროპორტიდან კიდევ სამი ავიაკომპანია - „აირზენა", „ებრაული არკია" და „ისრაირი" ასრულებს რეგულარულ და ჩარტერულ რეისებს.