ევროკომისარი შტეფან ფულე უკრაინის ევროკავშირში გაწევრიანების ინიციატივით გამოდის. მისი თქმით, უკრაინაში შექმნილ სიტუაციასთან დაკავშირებით, ევროკავშირმა შესაძლოა გაფართოების საკითხი განიხილოს.
„თუ ჩვენ სერიოზულად გვსურს შევცვალოთ აღმოსავლეთ ევროპის ის ნაწილი, რომელსაც ახლანდელი მოვლენები შეეხო, ჩვენ პოლიტიკის ყველაზე ძლიერი ინსტრუმენტი უნდა გამოვიყენოთ რომელიც ევროკავშირს აქვს - ეს გაფართოებაა",_ განაცხადა ევროკომისარმა. განცხადება ამის შესახებ მან გერმანულ გაზეთთან „Die Welt", _ თან საუბარში გააკეთა.
