უკვე მეორე დღეა ავიაკომპანია „უკრაინის ავიახაზები" თბილისიდან სიმფეროპოლის მიმართულებით ფრენებს ვეღარ ახორციელებს. როგორც სააგენტო „ჯი-ეიჩ-ენს" ავიაკომპანიაში განუმარტეს, ფრენები 28 თებერვალსა და 1 მარტს ვერ განხორციელდა, რადგანაც სიმფეროპოლის აეროპორტს მუშაობა შეწყვეტილი აქვს. თუმცა გაიხსნება თუ არა ფრენები ხვალ და შემდგომ დღეებში კომპანიაში ამ დროისათვის ინფორმაციას არ ფლობენ.
შეგახსენებთ, რომ უკრაინაში, ყირიმის ავტონომიურ რესპუბლიკაში ვითარების ესკალაციის გამო, რაც რუსეთის მიერ ავტონომიური რესპუბლიკის ტერიტორიაზე ჯარების შეყვანას უკავშირდება, სიმფეროპოლის აეროპორტი დახურულია. უკრაინული მედიის ინფორმაციით, აეროპორტში ბოლო ორი დღის განმავლობაში მხოლოდ რუსეთის 15 თვითმფრინავი დაჯდა, რომლებმაც ყირიმში რუსი სამხედროები ჩაიყვანა
.
