კიევში პროფკავშირების სახლში 19 თებერვლის ღამით ცოცხლად 40-50 ადამიანი დაიწვა. ინფორმაციას ამის შესახებ „რბკ უკრაინა ფრაქცია „ბატკივშინას" ხელმძღვანელის მოადგილეზე სერგეი სობოლევზე დაყრდნობით ავრცელებს.
„ჩვენთან ინფორმაცია ყოველ საათში იცვლება, ახლა სიების მიხედვით, რომლებსაც ჩვენ საავადმყოფოებიდან ვიღებთ ეს 40-50 ადამიანია. ისინი რეალირად უკვე გარდაცვლილები არიან",_ განაცხადა დეპუტატმა.
მისივე განმარტებით საუბარი მიდის დაჭრილებზე, რომლებიც პროფკავშირების სახლში იმყოფებოდნენ და რომლებსაც გადაადგილება არ შეეძლოთ.
„ჩვენ არ ვიცით ზუსტად თუ რამდენი ადამიანი დაიწვა პროფკავშირების სახლში ცოცხლად, როდესაც იქ ერთდროულად პირველ და მეცხრე სართულებზე ძალოვნებმა ნაღმები შეაგდეს.
ეს იყო გამიზნული და ძალიან სასტიკი ოპერაცია. იმიტომ, რომ იქ იყვნენ დაჭრილები, რომლებიც ვერ მოძრაობდდნენ.
იმ მომენტისათვის იქ 100 დაჭრილი იყო. ჩვენ კონკრეტულუ გვარებიც კი არ ვიცით, ამიტომაც სიებს ვერ ვადგენთ",_ განაცხადა მან და აღნიშნა, რომ დაღუპულების სიები ყოველ საათში ზუსტდება.
შეგახსენებთ, რომ უკრაინული მედიის ინფორმაციით, პროფკავშირების სახლი ხანძრისაგან სრულიად განადგურებულია.
