გენმოდიფიცირებული კულტურების მოსაყვანად გამოყოფილი მიწის ოდენობამ მსოფლიოში 2013 წელს 175,2 მლნ ჰექტარს გადააჭარბა, რაც 3 %-ით მეტია 2012 წლის მაჩვენებელმზე. აღნიშნულის შესახებ ნათქვამია, აგრობიოტექნოლოგიის გამოყენების მონიტორინგის საერთაშორისო სამსახურის მოხსენებაში. გენმოდიფიცირებული პროდუქტები ძირითადად 8 განვითარებულ ქვეყანაში - აშშ-ში, კანადაში, ავსტრალიაში, ესპანეთში, პორტუგალიაში, ჩეხეთში, რუმინეთში და სლოვაკეთში მოჰყავთ, ასევე 19 განვითარებად სახელმწიფოში (ბრაზილია, არგენტინა, ინდოეთი, ჩინეთი, პარაგვაი და სხვა) მოჰყავთ. იმ ქვეყნებს, რომელშიც ტრანსგენური სოფლის მეურნეობის კულტურები მოჰყავთ, ასევე შევიდა ბანგლადეში, რომელმაც 2013 წელს მხარი დაუჭირა ბადრიჯნის კომერციულ მოყვანას. აშშ-ში გენმოდიფიცირებული სასოფლო-სამეურნეო პროდუქტები (სიმინდი, სოიო,ბამბა და ასე შემდეგ) დაითესა 70,1 მლნ ჰექტარ მიწის ნაკვეთზე, რაც 1 %-ით ნაკლებია 2012 წლის მაჩვენებელზე. ბრაზილიაში ეს მაჩვენებელი 10 %-ით გაიზარდა და 40,3 მლნ ჰექტარი შეადგინა. არგენტინაში 24,4 მლნ ჰექტარი, ხოლო ევროკავშირში, სადაც მხოლოდ გენმოდიფიოცირებული სიმინდი მოჰყავთ, 148 ათასი ჰექტარი, რაც 15 %-ით მეტია 2012 წლის მაჩვენებლებზე.
ამჟამად ძირითად გენმოდიფიცირებულ კულტურად სოიო, ბამბა და სიმინდი წარმოადგენს. 17,3 მლნ-დან 18 მლნ-მდე გაიზარდა იმ ფერმერების რაოდენობა, რომლებიც გენმოდიფიცირებული კულტურების მოყვანით არიან დაკავებულნი.