იუგოსლავიის კრახის შემდეგ 1991 წელს ევროკავშირმა განაცხადა, რომ „ევროპის დროს" მოვიდა - წერს „Wall Street Journal"-ში გამოქვეყნებულ თავის სტატიაში სტივენ ბლენკი, სპეციალისტი რუსეთის საკითხებში American Foreign Policy Council-ში.
მისი თქმით, კიევმა ბრიუსელს შანსი მისცა წარსულში ჩადენილი ცოდვების გამოსასწორებლად.
„უკრაინული კრიზისი ევროპული უსაფრთხოებისათვის ყველაზე სერიოზული მუქარაა ყოფილი იუგოსლავიის დროიდან. დროის დაკარგვა არ შეიძლება: როგორც კი სოჭში ოლიმპიადა დასრუდება მოსკოვს აღარც დარჩება შემაკავებელი ფაქტორი კოლოსალური ზეწოლის განხორციელებისათვის, რომელმიც მოწოდებული იქნება კიევის პოლიტიკური ხედვის „სწორად" ჩამოყალიბებისათვის", _ წერს ავტორი.
მისივე თქმით, რუსეთი სულაც არ მიიჩნებს ყოფილ საბჭოთა რესპუბლიკებსა და აღმოსავლეთევროპულ სახელმწიფოებს ჭეშმარიტად დამოუკიდელებად, მათ სუვერენულ მთლიანობას კი - ხელშეუხებლად.
მისვე აზრით, ახლა კრემლი მზადაა საქართველოსთან ომის სცენარი უკრაინის მიმართ გამოიყენოს თუ ის ამას საჭიროდ ჩათვლის.
სტატიის ავტორი დარწმუნებულია, რომ უკრაინაში განსახორციელებელი სცენარი უკვე დამუშავებულია და მის მიხედვით რეპეტიცია გავლილია 2009 და 2013 წელს ჩატარებულ სამხედრო სწავლებებზე.
დეკემბერში კი მოსკოვმა კიევთან მოილაპარაკა ქერჩის სრუტეზე ხიდი ააგოს - „შსანიშნავია გზატკეცილია დამპყრობელთა არმიისათვის" - წერს ავტორი.
„ოლიმპიადია შემდეგ მოსკოვს ხელფეხი გახსნილი ექნება თავისი იმპერიული ფანტაზიებისათვის, იმ შემთხვევაში თუ აშშ და ევროკავშირი უკრაინაში ერთად და გაერთიანებული ძალებით არ იმოქმედებენ",_ წერს ავტორი და ხაზგასმით აღნიშნავს, რომ რამდენად დიდხანს გასტანს ევროპის უმოქმედობა, იმდენად უფრო მალე ჩათვლის რუსეთი, რომ მას ყოველგვარი შედეგების გარეშე ძალის გამოყენება შეუძლია ან თანამოაზრეებს დაუჭიროს მხარი ამ საკითხში.
„მაგრამ თუ ევროპა გადამწყვეტად და სწრაფად იმოქმედებს უკრანის ახლანდელ მთავრობას სანქციებს დაადებს და ქვეყნის სტაბილიზაციისათვის ეკონომიკურ და პოლიტიკურ პაკეტს შეიმუშავებს ეს იმის საშუალების მომცემი იქნება, რომ შეკავებულ იქნეს რუსეთის ექსპანსიური მცდელობები და გარანტირებულ იქნეს უკრაინის დასავლეთზე ორიენტაცია", _ წერს ავტორი.
