დღეს, 14 თებერვალს, 17 საათზე, სააპელაციო სასამართლო, ე. წ. ციხის ბუნტის საქმეზე ბაჩო ახალაიას წინააღმდეგ პროკურატურის საჩივარზე გადაწყვეტილებას გამოაცხადებს.
ბაჩო ახალაიას ადვოკატების განცხადებით, საჩივარში არ არსებობს მტკიცებულება, რომლის მიხედვითაც უნდა დაკმაყოფილდეს პროკურატურის მოთხოვნა.
საჩივარი ეხება ე.წ. კრიმინალური ავტორიტეტის პლატონ მამარდაშვილის ციხიდან უკანონო გაყვანის ეპიზოდს.
ციხის ბუნტის საქმეზე ახალაია საქალაქო სასამართალომ მხოლოდ მამარდაშვილის ნაწილში გაამართლა, დანარჩენ ნაწილებში კი იგი დამნაშავედ ცნო და სამი წლითა და 9 თვით თავისუფლების აღკვეთა შეუფარდა.
2013 წლის 3 ნოემბერს პრეზიდენტმა მიხეილ სააკაშვილმა ახალაია შეიწყალა. პროკურატურამ კი სააპელაციო სასამართლოში გაასაჩივრა საქალაქო სასამართლოს გადაწყვეტილების ის ნაწილი, სადაც ახალაია გამართლდა.
სააპელაციო სასამართლოს გადაწყვეტილებას მოსამართლე შორენა ყავლაშვილი გამოაცხადებს.
