შსს სასაზღვრო პოლიციის სანაპირო დაცვის დეპარტამენტის თანამშრომლებმა, საგამოძიებო-ოპერატიული მთავარი სამმართველოს დასავლეთის ოპერატიული განყოფილების თანამშრომლებთან ერთობლივად ჩატარებული
ღონისძიებების შედეგად, ფოთის საზღვაო რაიონში, ნაოსნობის წესების (ფოთის ნავსადგურის ნაოსნობისათვის განსაკუთრებული სიფრთხილის რაიონი, ზღვის ნაკრძალის რაიონის გადაკვეთა) დარღვევის ფაქტზე, საქართველოს
დროშით მცურავი თევზსაჭერი სეინერი "ZEKI EFE UCUNCUOGLU" დააკავეს. აღნიშნული სეინერის კაპიტნის, თურქეთის მოქალაქის მიმართ დაიწყო ადმინისტრაციული საქმისწარმოება საქართველოს ადმინისტრაციული სამართალდარღვევათა კოდექსის 114-ე (პრიმა ერთი) მუხლის I ნაწილით. საქმეს სასაზღვრო პოლიციის საგამოძიებო-ოპერატიული მთავარი სამმართველო აწარმოებს.
აღნიშნული გემის კაპიტანს,დასავლეთის ოპერატიული სამმართველოს უფროსის მოადგილის დადგენილებით, სახელმწიფო ბიუჯეტის სასარგებლოდ დაეკისრა ჯარიმა 50 000 ლარის ოდენობით.
მასალის გამოყენების პირობები
