,,უფლებადამცველთა გაერთიანება' ხელისუფლებას მესაკუთრეთათვის ბორჯომსა და ბაკურიანში უკანონოდ ჩამორთმეული ქონების დაბრუნებას სთხოვს და განცხადებას ავრცელებს, რომელსაც ,,ჯი-ეიჩ-ენი" უცვლელად გთავაზობთ: ,,სააკაშვილის ხელისუფლებაში მოსვლის შემდგომ კერძო საკუთრების უკანონო ჩამორთმევის ფაქტებმა საკმაოდ დიდ მასშტაბებს მიაღწია. ქონების ჩამორთმვები თითქმის ყველა რეგიონს შეეხო, განსაკუთრებით დაზარალდნენ ის მესაკუთრეები რომელთა საკუთრებაში არსებული მიწის ნაკვეთები მაღალი ღირებულების გახლდათ. ბაკურიანსა და ბორჯომში სადაც მიწის ღირებულება ყოველთვის მაღალი იყო 2004 წელს ხელისუფლებამ სწორედ აღნიშნულ მიწებს დაადგა თვალი. სამცხე-ჯავახეთის სამხარეო ხელმძღვანელობისა და ბაკურიანისა და ბორჯომის ადგილობრივმა ხელმძღვანელებმა გადაწყვიტეს ადგილობრივი მაცხოვრებლების საკუთრებაში არსებული მიწის ნაკვეთები ჩამოერთმიათ ყოველგვარი ახსნა განმარტებების გარეშე. ის ადამიანები რომლებიც მიწის გადასახადებსაც იხდიდნენ, მიწას ამუშავებდნენ 2004 წელს ამ მიწების გარეშე აღმოჩნდნენ", _ნათქვამია განცხადებაში.
,,უფლებადამცველთა გაერთიანების'' თავმჯდომარის ნიკოლოზ მჟავანაძის განცხადებით, ,,უხედავად იმისა რომ სხვადასხვა სახელმწიფო სტრუქტურებში უამრავი საჩივარი შევიდა, ბევრი მაშინდელი ადგილობრივი მოხელე პასუხისგებაში მიეცა, ამ ადამიანებისთვის არაფერი შეცვლილა. მათ წართმეული მიწები ვერ დაიბრუნეს. ამჟამად ახალციხის პროკურატურაში წართმეულ მიწებთან დაკავშირებით მიმდინარეობს გამოიძიება, მაგრამ ჯერ-ჯერობით შედეგი არ დამდგარა".
,,უფლებადამცველთა გაერთიანება'' მოუწოდებს ხელისუფლებას, ბაკურიანისა და ბორჯომის მაცხოვრებლებს დაუბრუნოს წართმეული მიწის ნაკვეთები და დაისაჯონ ხელისუფლების ის მაღალჩინოსნები.
