პრეზიდენტ გიორგი მარგველაშვილის განცხადებით მისი საკანონმდებლო ორგანოში ყოველწლიური მოხსენება თვისობრივად განსხვავებული იქნება. როგორც საკითხის კომენტირებისას მარგველაშვილმა განაცხადა, ჯერჯერობით, დაზუსტებული არაა როდის წარსდგება ის დეპუტატების წინაშე.
,,მოხსენება იქნება უახლოეს მომავალში, ამ საკითხზე ჯერ კიდევ ვმუშაობთ. საკითხები ბუნებრივად შეეხება იმას რაც კონსტიტუციითა განსაზღვრული_ქვეყნის მდგომარეობის უმნიშვნელოვანესი საკითხების შესახებ. ამავე დროს, მინდა ვთქვა, რომ ეს იქნება თავისთავად ახალი ფორმატის მოხსენება. პრეზიდენტის მოხსენებები ამ ფორმატში დაწყებული 95 წლიდან რაც მიღებული იქნა ახალი კონსტიტუცია აღმასრულებელი პრეზიდენტის მოხსენება იყო, ახლა ჩვენ გვყავს პრეზიდენტი, რომელიც არ არის აღმასრულებელი და არის სახელმწიფოს მეთაური", _განაცხადა მარგველაშვილმა.
შეგახსენებთ, რომ პრეზიდენტი საკანონმდებლო ორგანოში მოხსენებით თებერვლის თვეში უნდა წარსდგეს.