,,ნაცმოძრაობის" წევრის დავით საყვარელიძის განცხადებით, პარტიას 5 000 ახალი წევრი ჰყავს. ამის შესახებ, საყვარელიძემ ,,ქორთიარდ მარიოტში" განაცხადა სადაც ,,ნაცმოძრაობის" სამომავლო გეგმების პრეზენტაცია მიმდინარეობს.
,,არჩევნების შემდეგ ,,ნაცმოძრაობაში" გაწევრიანდა ხუთიათასამდე ახალი წევრი. ჩვენ საზოგადოებას გვინდა დავანახოთ ვინ არის ეს ხუთი ათასი ადამიანი, რომლებიც შემოგვიერთდნენ. ისინი ძირითად არიან შემდგარი ადამიანები, რომლებიც ჩვენთან მოვიდნენ არა იმიტომ, რომ მომავალში თანამდებობა, ან რამე პრივილეგია უნდათ, ეს არის საერთო მსოფლმხედველობის, ფასეულობის ხალხი, რომელთაც სურთ სასარგებლო გაკეთონ საკუთარი ხალხისა და ქვეყნისთვის", _განაცხადა საყვარელიძემ.
