საფრანგეთის სააპელაციო სასამართლო განიხილავს საქართველოს ხელისუფლების მოთხოვნას, თავდაცვის ყოფილი მინისტრის დავით კეზერაშვილის სამშობლოში ექსტრადირების შესახებ. როგორც დავით კეზერაშვილმა ფრანგულ გამოცემა, „პარიზიენისთვის" მიცემულ ინტერვიუში განაცხადა, სააპელაციო სასამართლო დაადგენს ხომ არ არის საქართველოს ხელისუფლების მოთხოვნა პოლიტიკურად მოტივირებული. კეზერაშვილი გაკვირვებას გამოხატავს, რატომ თანამშრომლობს თუ რატომ თანამშრომლობს საფრანგეთის ხელისუფლება საქართველოს მთავრობასთან, მაშინ როდესაც ევროკავშირმა, ევროსაბჭომ და აშშ-მ ღიად გააკრიტიკა საქართველოს ახალი მთავრობა ოპონენტების პოლიტიკური დევნის გამო.
„მიკვირს და არ მესმის, რატომ თანამშრომლობს საფრანგეთი საქართველოს ხელისუფლებასთან. თუმცა დარწმუნებული ვარ, საფრანგეთის სასამართლო და საფრანგეთის მთავრობა სწორ გადაწყვეტილებას მიიღებს. სააპელაციო სასამართლოს გაუჩნდა ეჭვი, საქართველოს ხელისუფლების მოთხოვნაზე ჩემი ექსტრადიციის შესახებ, რომ შესაძლოა იყოს პოლიტიკურად მოტივირებული. ამიტომ საფრანგეთმა საქართველოს ხელისუფლებას მოთხოვა დამატებითი ინფორმაცია"- განაცხადა კეზერაშვილმა
