შს სამინისტროს აკადემიას ხაშურის საჯარო სკოლების დამამთავრებელი კლასის მოსწავლეები და პედაგოგები პროექტის - „ერთად მოზარდთა უსაფრთხო მომავლისათვის" ფარგლებში ეწვივნენ. სტუმრები აკადემიაში პოლიციელთა მომზადების მეთოდიკას გაეცნენ და დაესწრნენ პრეზენტაციას - „სწავლება აკადემიაში".
მოსწავლეებმა და პედაგოგებმა აკადემიის ინფრასტრუქტურა, სასწავლო და ფიზიკური მომზადების ოთახები, იმიტირებული სასამართლო დარბაზი, იმიტირებული სასაზღვრო გამშვები პუნქტი, რეალური და იმიტირებული ტირები მოინახულეს.
შსს-ს აკადემიასა და შს სამინისტროს სხვადასხვა დანაყოფში მოსწავლეებისათვის პერიოდულად ეწყობა საგანმანათლებლო ექსკურსიები. აღნიშნული სახის ვიზიტები მოზარდებში სამართლებრივი კულტურის ამაღლებას და ამ გზით არასრულწლოვანთა დანაშაულის პრევენციას ემსახურება.
მასალის გამოყენების პირობები
