უზენაესმა სასამართლომ თავისი გადაწყვეტილებით ყოფილ პრემიერ-მინისტრს, ბიძინა ივანიშვილს საქართველოს მოქალაქეობა აღუდგინა.
სასამართლოს გადაწყვეტილებით, გაუქმდა 2011 წელს საქართველოს პრეზიდენტის მიერ მიღებული სამართლებრივი აქტი, ივანიშვილსთვის მოქალაქეობის შეწყვეტის შესახებ.
სასამართლოს ინფორმაციით, ბიძინა ივანიშვილის საკასაციო საჩივარი დაკმაყოფილდა. გაუქმდა თბილისის სააპელაციო სასამართლოს ადმინისტრაციულ საქმეთა პალატის 2012 წლის 29 ივნისის განჩინება და საკასაციო სასამართლოს მიერ მიღებულ იქნა ახალი გადაწყვეტილება.
"საქართველოს უზენაესი სასამართლოს გადაწყვეტილების კანონიერ ძალაში შესვლის დღიდან ბათილად იქნას ცნობილი საქართველოს პრეზიდენტის 2011 წლის 11 ოქტომბრის N602 ბრძანებულება ბიძინა ივანიშვილისათვის საქართველოს მოქალაქეობის შეწყვეტის ნაწილში; ალექსანდრე ბარამიძეს დაუბრუნდეს მის მიერ 2012 წლის 1-ელი აგვისტოს N1 საგადახდო დავალებით გადახდილი სახელმწიფო ბაჟი - 300 (სამასი) ლარის ოდენობით", - აღნიშნულია უზენაესი სასამართლოს 26 იანვრის გადაწყვეტილებაში
