ქუთაისის საქალაქო სასამართლოში ყოფილი პრემიერ-მინისტრის ვანო მერაბიშვილისა და კახეთის ყოფილი გუბერნატორის ზურაბ ჭიაბერაშვილის სასამართლო პროცესი განახლდება.
პროცესზე ბრალდების მხარე კვლავ მოწმეთა წერილობითი ჩვენების გამოქვეყნებას გეგმავს.
ჯერჯერობით, უცნობია, დაესწრება თუ არა ყოფილი პრემიერ-მინისტრი სასამართლო პროცესს.
შეგახსენებთ, რომ დასავლეთ საქართველოს საოლქო პროკურატურა ვანო მერაბიშვილსა და ზურაბ ჭიაბერაშვილს, 2012 წლის საპარლამენტო არჩევნების წინ, დასაქმების პროგრამის ფარგლებში ამომრჩევლების მოსყიდვაში ადანაშაულებს.
