საქართველოს პრემიერ-მინისტრი ირაკლი ღარიბაშვილი ვერ აკონკრეტებს მოხდება თუ არა ყოფილი პრეზიდენტის მიხეილ სააკაშვილის დაკითხვა ყოფილი თავდაცვის მინისტრის დავით კეზერაშვილის საქმესთან დაკავშირებით.
როგორც ირაკლი ღარიბაშვილი განმარტავს, გამოძიება მიმდინარებს და წინასწარ მისთვის უცნობია მოხდება თუ არა დავით კეზერაშვილის საქმეზე მიხეილ სააკაშვილის დაკითხვა.
„ამას გამოძიება გამოკვეთავს. ბუნებრივია ეს უნდა იყოს გამოძიების ფარგლებში და პროცესი უნდა იყოს მაქსიმალურად გამჭირვალე, რომ არავის არა მხოლოდ საქართველოში, არამედ არც ერთ ქვეყანაში არავის რაიმე შეკითხვა არ გაუჩნდეს"- განაცხადა ირაკლი ღარიბაშვილმა.
