საქართველოს ფინანსთა სამინისტროს საგამოძიებო სამსახურის თანამშრომლებმა, სამსახურებრივი უფლებამოსილების ბოროტად გამოყენების ფაქტზე, შემოსავლების სამსახურის საბაჟო გამშვები პუნქტი „სარფი" - ს უფროსი ოფიცერი ზურაბ მამასახლისი დააკავეს.
გამოძიებით დადგინდა, რომ შემოსავლების სამსახურის საბაჟო გამშვები პუნქტი „სარფი"-ს უფროსმა ოფიცერმა ზურაბ მამასახლისმა, საჯარო ინტერესების საწინააღმდეგოდ, მიუხედავად იმისა, რომ მეწარმე უცხადებდა საქონლის რეალურ საბაჟო ღირებულებას, მებაჟის მიერ არაერთგზის, ხელოვნურად შემცირებული იქნა, თურქეთიდან საქართველოში, სამეწარმეო მიზნით შემოტანილი სხვადასხვა დასახელების საქონლის საბაჟო ღირებულება, რითაც ავტომატურად შემცირდა საქონლის იმპორტისას, საქონლის განბაჟების გადასახადების ოდენობა, რამაც სახელმწიფოს კანონიერი ინტერესების არსებითი დარღვევა გამოიწვია.
მიმდინარეობს გამოძიება საქართველოს სისხლის სამართლის კოდექსის 332 - ე მუხლით, რაც ითვალისწინებს თავისუფლების აღკვეთას 3 წლამდე ვადით