,,ნაცმოძრაობა" ეკა ბესელიას განცხადებას სკანდალურად და პროკურატურისა და პოლიტიკური გუნდის შეთანხმებად მიიჩნევს. როგორც ,,ნაცმოძრაობის" წევრმა გიორგი გაბაშვილმა განმარტა თბილისის მერის გიგი უგულავასთან დაკავშირებით პოლიტიკური გადაწყვეტილებაა მიღებული.
,, ,,ტვ-3"-ის ეთერში ეკა ბესელიამ გააკეთა აბსოლუტურად სკანდალური განცხადება, კერძოდ ის რომ მან იცის რომ გიგი უგულავას აღმკვეთის ღონისძიებად პატიმრობას შეუფარდებენ და პროკურატურა დაპატიმრებას მოითხოვს. ეს ნიშნავს იმას, რომ მანამ სანამ პროკურატურას თავის მოქმედება აქვს გაცხადებული, მანამდე პოლიტიკურმა გუნდმა იცის, როგორც მოიქცევა პროკურატურა. ეს ნიშნავს იმას, რომ ჩვეულებრივად პოლიტიკური გუნდი თათბიროს იმაზე თუ რა სამართლებრივი ნორმები გამოიყენონ გიგი უგულავას წინააღმდეგ", _განაცხადა გაბაშვილმა.
შეგახსენებთ, რომ ,,ტვ-3-"ის ეთერში პარალმენტის ადამიანის უფლებების დაცვის კომიტეტის თავმჯდომარემ ეკა ბესელიამ განაცხადა, რომ პროკურატურა თბილისის მერის მიმართ აღმკვეთის ღონისძიებად პატიმრობის შეფარდებას მოითხოვს. თუმცა ამ ეტაპზე ოფიცილურად ცნობილი არ არის რა შუამდგომლობას დააყენებს პროკურატურა გიგი უგულავასთან დაკავშირებით.
