ვაზიანის სამხედრო პოლიგონზე საქართველოს შეიარაღებული ძალების I ქვეითი ბრიგადის მე-13 „შავნაბადას" ბატალიონმა საჩვენებელი სწავლება გამართა. საჩვენებელ სწავლებაში „შავნაბადას" ბატალიონის ერთი ოცეული მონაწილეობდა. სამხედრო მოსამსახურეებმა დღეს ერთკვირიანი მომზადების პროგრამა დაასრულეს.
ბატალიონმა ოცეულის ორიენტირებული სწავლება გაიარა და ის სამხედრო დანაყოფის ოცეულის დონეზე მომზადებას ისახავდა მიზნად.
სამხედრო მოსამსახურეებმა საჩვენებელ სწავლებაზე ჩასაფრების ამოცანა შეასრულეს და სხვადასხვა კალიბრის შეიარაღებიდან საბრძოლო სროლები განახორციელეს.
