კადეტთა სამხედრო ლიცეუმი მიღებას აცხადებს. თავდაცვის სამინისტროს ინფორმაციით, ლიცეუმში ჩაირიცხება სამედიცინო კომისიის მიერ ჯანმრთელად ცნობილი და კონკურსში მაღალი რეიტინგის მაჩვენებლის მქონე 100 მოსწავლე. მნიშვნელოვანი ყურადღება მიექცევა ზოგადი განათლების საბაზო საფეხურის შეფასების ქულას.
ლიცეუმში მიიღებიან, ზოგადსაგანმანათლებლო სასწავლო დაწესებულების 17 წლამდე ასაკის მოსწავლეები-ვაჟები, რომლებიც 2011-2012 სასწავლო წელს წარმატებით დაამთავრებენ საბაზო საფეხურს (ცხრა კლასი). ლიცეუმში სწავლა სამწლიანია.
კადეტები უზრუნველყოფილი იქნებიან კვებით, საცხოვრებელი ადგილით (ყაზარმა), სამედიცინო მომსახურებით, სამხედრო და სასპორტო ფორმებით და სრული სასწავლო აღჭურვილობით.
ლიცეუმში ცარიცხვის მსურვეელებს მოუწევთ ზოგადი უნარების ტესტის (შესაბამისი საფეხური), ფიზიკური ტესტის და სამედიცინო შემოწმების გავლა.
საბუთების მიღება წარმოებს 2 ივლისის ჩათვლით, მისამართზე: ქალაქი ქუთაისი, ავტომშენებლის #51, ტელ: 0431 29 61 15; 0431 29 80 01; 577 19 94 56
