1-ელ მაისს, 16:00 საათზე, სასტუმრო "ჰოლიდეი ინნში" საქართველოს სავაჭრო-სამრეწველო პალატისა და მიუნხენისა და ზემო ბავარიის ინდუსტრიისა და სავაჭრო პალატის ფორუმი გაიმართება.
როგორც სავაჭრო-სამრეწველო პალატაში აცხადებენ, ფორუმს მიუნხენისა და ზემო ბავარიის მხრიდან 20-მდე კომპანიის წარმომადგენელი დაესწრება. ფორუმის ფარგლებში ქართულ და მიუნხენისა და ზემო ბავარიის სავაჭრო-პალატებს შორის ურთიერთანამშრომლობის მემორანდუმიც გაფორმდება.