ახალი სადაზღვევო პაკეტით, გადაუდებელი სამედიცინო მომსახურეობა სახელმწიფოს მხრიდან სრულად, 100 %-ით ანაზღაურდება. სრულად დაიფარება ასევე აბულატორიული მომსახურება.
"პაციენტის მხრიდან 20 %-იანი თანადაფინანსება იქნება მხოლოდ კომპიუტერულ ტომოგრაფიაზე, რენტგენოგრაფიასა და მამოლოგიაზე. ქირურგიული ოპერაცია დაფინანსდება 15 ათასი ლარით", - აღნიშნა ჯანდაცვის მინისტრმა.
შეგახსენებთ, რომ 1-ლი სექტემბრიდან სახელმწიფო ასაკით პენსიონერებისა და 0-იდან 5 წლის ჩათვლით ბავშვების დაზღვევას იწყებს. საერთო ჯამში, დამატებით 800 ათასი კაცის დაზღვევა მოხდება.
